نخرج حبه من مود .. و ندخل في مود تاني ..
ونسأل سؤال بيدور في ذهن الجميع ..
هل انا شاب روش ..!؟
لو عندك عربية اخر موديل .. فيها مكيف و كـاسـيـت سي دي و اربع سماعات وصب وبتدخل بيها الجامعة
يبقي أنت شاب روش
لو بتشحت عربيه 128 فيها مروحه و وكمان وعمرك ما قدرت تدخل بيها الجامعه
يبقى انت شاب مش روش
لو عنـدك صـحـبـات زي الـقـمـر روشـيـن وكل شلتك الــروشـة بـتـحـسدك عـلـيـهـم
يـبـقـي أنـت شـاب روش
لو بـقـالـك 3 سـنـيـن فـي الـجامعه نفسك تكلم سنيه الي بتـقـف جـنـبك فـي الـسـكـشن ومـش عـارف تبدأ منين
يبقى انت شاب مش روش
لو بتـلـبـس البنطلون الديزل المتسقط والتيـشرت النايك الـمـتـظـبـط وفــي جـيـبـك الـمـوبـايـل النوكيا المستورد
يبقى انت شاب روش
لو بتلبس البنطلون القماش وتيشرت فودافون الي جايبه ببـلاش و فـي جـيـبـك كـارت مـيـناتـل لاقـيه في الشارع
يبقى انت شاب مش روش
لو قريـت الـموضـوع ده و مت على نفسك من الضحك و نـاديـت كـل صـحـابـك يـقروه
يـبـقى انت طبعا شاب روش
لو قريت الموضـوع و على وشك علامة تعجب و قفلت المدونه و قلت هم بيجيبوا الكلام ده منين
يـبـقى انـت شـاب مـش روش
و سيب المدونه مفتوحه
هناك 11 تعليقًا:
وانته بقى شاب روش والا مش روش ؟
ولا روش ولا مش روش ..
الموضوع لطرح مثالين كل واحد في نايحه..
و الافضل اكيد هو الوسط ..
شكرا ليك مرورك .. و اتمنى اشوفك دايما :)
كلام سخيف
بشكرٍِك على رائيك ..
واكيد مفيش كلام ممكن يتفق عليه كل الناس ..
و اتمنى اشوف تعليقاتِك دايما ان شاء الله
:)
موضوع جميل يا علاء..
مستنية موضوعات اكتر منك ان شاء الله
:)
شكرا ليكي سنتوفه ..
و مستني تعليقات اكتر منك
:)
الكلام حلو بس اكيد اللى قبل كده كان احلى...
بدأت جد وكان المفروض تكمل الطريق..
لما تكتب حط ادامك هدف واضح مش موضوع طريف والسلام
وافتكر دايما ان كل حرف بتكتبه هتتحاسب عليه كتبته ليه ..
ومادام اسلوبك اللى بان فى اللى قبل كده بجد مميز
استغل الموهبة دى فى حاجة تخدمك مش يكون الغرض منها ترفيه وخلاص
ورغم ذلك فالكلمات رغم بساطتها فهى وماحدش ينكر طريفة
بالتوفيق دائما
تحياتى
اولا بشكرك جدا على نقدك المميز و المحترم
و اكيد معاك حق ان الموضوع اقل من اللي قبله .. على الاقل في الجديه ..
ولكن ده ميمنعش برضه ان في هدف من كتابته ..
يمكن اسلوبي و اهدافي من الكاتبه لسه متضحتش بصورة كبيره ..
لكنها هتبان مع زيادة الكتابات ان شاء الله ..
شكرا ليك مره تانيه ..
فعلا اسعدني ردك .. و استفدت منه :)
وهو لازم يعن الروش يكون بعربيةآخر
موديل وبنطلون مسقط؟؟؟
ممكن يكون روش بس وغلبان ومحترم...مش
عارفة هدفك إيه بالضبط ؟؟؟؟
وهو يعني إيه روش أصلا ؟؟؟؟
شكرا لك
اولا برحب بيكي في المدونه ..
ثانيا لا طبعا .. مش لازم يكون بعربيه اخر موديل و بنطلون متسقط ..
الموضوع هو نقد للناحيتين ..
اللي فاكرين انه كده يبقى روش ..
و اللي مش مهتمين بأي حاجه في الدنيا ..
و طبعا خير الامور الوسط ..
شكرا ليكي :)
موضوع طريف..
أثار ابتسامتي..
أعتقد اني فهمت الهدف منه..
لكني مع الرأي السابق..
بأن تحاول توضيح أهدافك في كتاباتك أكثر..
موهبة متميزة..
استمر وبالتوفيق..
إرسال تعليق